ბლოგი - ჩემი მარაგი

რატომ უნდა ჩართოთ ბურღულეული რაციონში

საკვები პროდუქტების ჯგუფი – ბურღულეული, ჩვენი ჯანმრთელობისთვის უზარმაზარ სარგებელს შეიცავს. მარცვლეულისგან განსხვავებით, ბურღულეული მინიმალურად მუშავდება, რას მისი კვებითი ღირებულებების შენარჩუნებას უზრუნველყოფს.

ნუტრიციული ღირებულება
ბურღულეული შეიცავს დიეტურ ბოჭკოს, ვიტამინებს, მინერალებს და ანტიოქსიდანტებს. ეს ნუტრიენტები მნიშვნელოვან როლს ასრულებენ სხეულის სხვადასხვა ფუნქციების გაუმჯობესებაში, მათ შორის, ენერგიის გამომუშავებასა და იმუნური სისტემის გაძლიერებაში.

ჯანსაღი საკვები
ბურღულეულის ერთ-ერთი მახასიათებელი მისი დიეტური თვისებებია, რაც ხელს უწყობს საჭმლის მომნელებელი სისტემის გაუმჯობესებას, ხელს უშლის ყაბზობას და გიტოვებთ ნაყროვანების შეგრძნებას.

რთული ნახშირწყლები
ბურღულეულში აღმოჩენილი რთული ნახშირწყლები უზრუნველყოფს სისხლში შაქრის სტაბილური დონის შენარჩუნებას და ამცირებს ენერგიის დაკარგვის რისკს.

გულსისხლძარღვთა ჯანმრთელობა
ხსნადი ბოჭკოები, რომლებიც ბურღულეულის რამდენიმე სახეობაში გვხვდება (შვრია და წიწიბურა) ხელს უწყობს ქოლესტერინის დონის შემცირებას, რაც თავის მხრივ, ჩვენს ორგანიზმს ეხმარება თავიდან აიცილოს გულსისხლძარღვთა დაავადებები.

ნუტრიენტების მრავალფეროვნება
ბურღულეულის თითოეულ სახეობას თავისი დამახასიათებელი, საკვები ნივთიერებების უნიკალური ნაკრები აქვს. შესაბამისად, თუ თქვენს კვების რაციონში ბურღულეულს ყოველდღიურად შეიტანთ, საკვები ნივთიერებების მრავალფეროვნება გარანტირებული გაქვთ, რაც, თავის მხრივ თქვენს ზოგად ჯანმრთელობაზე დადებითად იმოქმედებს.

უნიკალური არომატის ბურღულეული: სიმინდის ფქვილი, შვრია თუ წიწიბურა მდიდარია სხვადასხვა ნუტრიენტებითა და ბოჭკოებით. ამ ბლოგში ვისაუბრებთ თითოეულ პროდუქტზე, რატომ არის უნიკალური მათი შემცველობა და რა სარგებლობა მოაქვს ადამიანის ჯანმრთელობისთვის.

სიმინდის ფქვილი

სიმინდის ფქვილი გამორჩეული და სასარგებლო ბურღულეულია სხვადასხვა ქვეყანაში, რომელიც B ვიტამინის ძალიან კარგი წყაროა. ამასთან ერთად, შეიცავს ნიაცინსა და ფოლიუმის მჟავას, რომლებიც აუცილებელია მოწესრიგებული მეტაბოლიზმისთვის, ნერვული სისტემის ფუნქციონირებისა და უჯრედების ზრდისთვის.
ასევე სიმინდის ფქვილი შეიცავს სხვადასხვა ანტიოქსიდანტებს, როგორებიცაა, ზეაქსანტინი და ლუტეინი, რომლებიც განაპირობებენ თვალის ჯანმრთელობას.
ბოჭკოთი მდიდარი სიმინდის ფქვილი ხელს უწყობს საჭმლის მონელებას და ამცირებს ყაბზობის რისკს.

შვრიის ფანტელი
შვრიის ფანტელი გამორჩეულია მისი კულინარიული და კვებითი ღირებულებებით. შვრიის ფანტელი ცნობილია ბეტა-გლუკანების მაღალი შემცველობით. ბეტა-გლუკანები ხსნადი ბოჭკოებია, რომლებიც ამცირებს ქოლესტერინის დონეს და აუმჯობესებს გულის ჯანმრთელობას.
შვრია ასევე შეიცავს მანგანუმს, ფოსფორს, მაგნიუმს და რკინას, რომლებსაც გადამწყვეტი მნიშვნელობა აქვს ადამიანის ძვლების სიძლიერისთვის, ენერგიის წარმოებისა და ორგანიზმში ჟანგბადის ტრანსპორტირებისთვის.
შვრიაში შემავალი ბოჭკო კი მოქმედებს როგორც პრებიოტიკი, კვებავს ნაწლავის სასარგებლო ბაქტერიებს და ხელს უწყობს მიკროფლორის ბალანსირებას.

წიწიბურა:
წიწიბურა ფსევდომარცვლეულია, გამოირჩევა თავისი უნიკალური კვებითი ღირებულებებით. წიწიბურა მდიდარია მაღალი ხარისხის მცენარეული ცილებით, რომლებიც შეიცავენ ყველა აუცილებელ ამინომჟავას, ამიტომ ამ პროდუქტს ხშირად შეხვდებით ვეგანებისა და ვეგეტარიანელების მენიუში.
წიწიბურა არის მაგნიუმის შესანიშნავი წყარო, მინერალის, რომელიც აუცილებელია კუნთების ფუნქციონირებისა და ძვლების ჯანმრთელობისთვის.
ასევე ანტიოქსიდანტი რუტინი, რომელსაც წიწიბურა შეიცავს, აუმჯობესებს გულ-სისხლძარღვთა ჯანმრთელობას და ამცირებს სისხლის შედედების რისკს.

როგორც განვიხილეთ, ბურღულეული საჭირო პროდუქტების ჯგუფია, რომელიც აუცილებელია ჩართოთ თქვენი კვების ყოველდღიური რაციონში. თუ გსურთ, რომ საოჯახო მარაგები პირდაპირ სახლის კართან მიიღოთ, ონლაინ მაღაზია „ჩემი მარაგი“ უფასო მიტანის სერვისს გთავაზობთ.