როგორ შევინახოთ თხილეული?

თხილეული ცილების, ჯანსაღი ცხიმების და სხვა აუცილებელი საკვები ნივთიერებების შესანიშნავი წყაროა. დიდი მნიშვნელობა ენიჭება მსგავსი პროდუქტების სწორად შენახვას, რათა ხანგრძლივად შეინარჩუნოს კვებით ღირებულებები და გემოვნური თვისებები. ამ სტატიაში განვიხილავთ რამდენიმე რჩევასა და ხრიკს, რომლებიც დაგეხმარებათ სახლის პირობებში რამდენიმე თვით შეინახოთ თხილეული.

შეინახეთ თხილეული ჰერმეტულ კონტეინერში

თხილეული სწრაფად დაკარგავს არომატს და გემოვნური თვისებებს, თუ დიდი ხნის განმავლობაში იქნება ღია მდგომარეობაში. ამიტომ, აუცილებელია მათი შენახვა ჰერმეტულ კონტეინერში დაჟანგვის თავიდან ასაცილებლად. ეს შეიძლება იყოს პლასტმასის კონტეინერი მჭიდროდ დახურული სახურავით, მინის ქილა ან ვაკუუმით დალუქული ჩანთა. რომელი კონტეინერიც არ უნდა შეარჩიოთ, დარწმუნდით, რომ ის სუფთა და მშრალია, სანამ პროდუქტს მოათავსებთ შიგნით.

შეინახეთ თხილეული გრილ, მშრალ ადგილას

თხილეული უნდა ინახებოდეს გრილ, მშრალ ადგილას, სითბოსა და მზისგან მოშორებით. ეს დაგეხმარებათ შეინარჩუნოთ მათი არომატი და კნატუნა ტექსტურა. ბნელი სათავსო ან თუნდაც, კარადა, იდეალური ადგილია მსგავსი პროდუქტების შესანახად.

გაყინეთ თხილეული გრძელვადიანი შენახვისთვის

თუ გსურთ თხილიულის შენახვა დიდი ხნის განმავლობაში, დაფიქრდით მათ გაყინვაზე. მსგავსი პროდუქტის საყინულეში შენახვა შესაძლებელია ერთ წლამდე პერიოდით. მოათავსეთ თხილეული ჰერმეტულ კონტეინერში ან ვაკუუმის ჩანთაში, მიანიშნეთ თარიღი და შეინახეთ საყინულეში. როდესაც დაგჭირდებათ პროდუქტის გამოყენება, გამოიღეთ მაცივრიდან რამდენიმე საათით ადრე და გალღობის შემდეგ გამოიყენეთ სურვილისამებრ.

მოხალეთ თხილეული შენახვამდე

კიდევ ერთი საშუალება, თხილეულის ხანგრძლივად შესანახად, არის მათი მოხალვა. თერმულად დამუშავება ამცირებს პროდუქტში ტენიანობის დონეს, რაც ხელს უშლის მის გაფუჭებას. გადაანაწილეთ თხილეული გამოსაცხობ ფირფიტაზე ერთ ფენად და გამოაცხვეთ 180 გრადუსზე 10-15 წუთის განმავლობაში. აღნიშნული მეთოდით დამუშავებული თხილეული დიდი ხნის მანძილზე შეინარჩუნებს არომატს და გემოვნურ თვისებებს.

მოერიდეთ თხილეულის შენახვას მძაფრ სურნელოვან საკვებთან ერთად

თხილეულს აქვს თვისება, შეიწოვოს სხვა საკვები პროდუქტის არომატი და სუნი, რომელთან ერთადაც ინახება. ასეთ დროს შესაძლებელია პროდუქტმა შეიცვალოს გემო და არომატი.  მოერიდეთ თხილეულის შენახვას ძლიერ სურნელოვან საკვებთან ერთად, როგორიცაა ხახვი, ნიორი ან სანელებლები.

დასასრულს, უნდა ავღნიშნოთ, რომ თხილეული არის შესანიშნავი საკვები, ან თუნდაც სნექი, რომელიც შეიძლება დიდხანს ინახებოდეს სწორად შერჩეულ პირობებში. აღნიშნული წესების დაცვით, თხილეული ხანგრძლივად შენახვის შემთხვევაში დარჩება ახალი, არომატული და კნატუნა ტექსტურის.