რა უნდა იცოდეთ ყვითელი კინოას შესახებ

თუ ტრადიციული მარცვლეულის ალტერნატივას ეძებთ, ყვითელი კინოა იდეალური არჩევანია. მაღალი კვებითი ღირებულებისა და სასიამოვნო ტექსტურის მქონე კინოა სუპერფუდია, რომელიც წარმატებით გამოიყენება კულინარიაში და დადებით ეფექტს ახდენს ჩვენს ჯანმრთელობაზე.
შეიძლება ითქვას, რომ კინოა ცილის უმდიდრესი და უმნიშვნელოვანესი წყაროა. გასაკვირი არ უნდა იყოს, რომ ნასას სწორედ ეს მარცვლეული შეაქვს იმ კოსმონავტების მენიუში, რომლებიც ხანგრძლივ კოსმოსურ მისიებში მიემგზავრებიან.

არსებობს რამდენიმე ტიპის კინოა: შავი, წითელი, თეთრი და ყვითელი. ამ ბლოგში ყვითელ კინოაზე ვისაუბრებთ, რომელიც დიდი რაოდენობით შეიცავს პროტეინსა და საკვებ ბოჭკოს. პროდუქტს ახასიათებს დაბალი გლიკემიური ინდექსი, რაც ნიშნავს იმას, რომ საკვების მიღების შემდეგ თავს დიდი ხნის მანძილზე იგრძნობთ დანაყრებულად.

რატომ უნდა მიირთვათ ყვითელი კინოა?

პროტეინით მდიდარი
როგორც აღვნიშნეთ, ყვითელი კინოა მცენარეული პროტეინის წყაროა. ის შეიცავს 9-ვე აუცილებელ ამინომჟავას, რომელსაც ჩვენი ორგანიზმი დამოუკიდებლად ვერ გამოიმუშავებს. კინოა იდეალური ცილის წყაროა ვეგანებისა და ვეგეტარიანელებისთვის, რომლებიც შესაძლოა სხვა მცენარეული პროდუქტებიდან საკმარის პროტეინს ვერ იღებდნენ.

მაღალბოჭკოვანი პროდუქტი
ყვითელი კინოა შეიცავს დიეტურ ბოჭკოს, რაც აუცილებელია საჭმლის მონელებისა და ყაბზობის თავიდან ასაცილებლად. ასევე მაღალბოჭკოვანი პროდუქტები გეხმარებათ შეამციროთ გულის დაავადებების, ინსულტისა და დიაბეტის განვითარების რისკები.

დაბალი გლიკემიური ინდექსი
გლიკემიური ინდექსი არის საზომი, თუ რამდენად სწრაფად ამაღლებს საკვები სისხლში შაქრის დონეს. დაბალი გლიკემიური ინდექსის მქონე პროდუქტები უზრუნველყოფს ენერგიის უფრო ნელ და მდგრად გამოყოფას. ყვითელ კინოას დაბალი გლიკემიური ინდექსი აქვს და იდეალური საჭმელია იმ ადამიანებისთვის, ვინც ცდილობს სისხლში შაქრის დონის მართვას.

ანტიოქსიდანტებით მდიდარი
ყვითელი კინოა შეიცავს სხვადასხვა ანტიოქსიდანტებს, რაც ეხმარება ორგანიზმს თავისუფალ რადიკალებთან გამკლავებაში. ისეთი საკვების მიღება, რომელიც შეიცავს ანტიოქსიდანტებს, ხელს უშლის სხვადასხვა დაავადებების გავრცელებას.

უგლუტენო პროდუქტი
თუ გლუტენის აუტანლობა, იგივე ცელიაკი გაქვთ, თქვენთვის კინოა იდეალური პროდუქტია. ეს არის საკვები, რომელიც ბუნებრივად არ შეიცავს გლუტენს და ამის გამო შეგიძლიათ ნებისმიერ კერძს თავისუფლად დაამატოთ.

მაგნიუმის წყარო
მაგნიუმი არის ის აუცილებელი მინერალი, რომელიც მონაწილეობს ორგანიზმში მიმდინარე 300-ზე მეტ ბიოქიმიურ რეაქციაში, მათ შორის ენერგიის წარმოებაში, ძვლების ჯანმრთელობასა და კუნთების ფუნქციაში. ერთი ჭიქა ყვითელი კინოა კი უზრუნველყოფს მაგნიუმის რეკომენდებული დღიური დოზის დაახლოებით 30%-ს.

წონის მართვა
მაღალბოჭკოვანი და პროტეინებით მდიდარი ყვითელი კინოა დაბალკალორიულიცაა, რაც იდეალური პროდუქტია ფიტნესის მოყვარულებისთვის და ასევე მათთვის, ვინც წონაში კლებას ცდილობს.

გულის ჯანმრთელობა
რადგან ყვითელი კინოა ანტიოქსიდანტებისა და მაგნიუმის საბადოა, ის ამცირებს გულის დაავადებებთან დაკავშირებულ რისკებს, აუმჯობესებს არტერიული წნევას და სისხლის მოძრაობას ორგანიზმში.

იმუნური ფუნქციის გაძლიერება
ყვითელ კინოაში შემავალი ცილა და ანტიოქსიდანტები ხელს უწყობს იმუნური სისტემის გაძლიერებას, რაც იცავს ორგანიზმს დაავადებებისა და ინფექციებისგან.

სასიამოვნო გემოს მქონე მარცვლეული
ყვითელი კინოა თხილისებრი, ოდნავ ტკბილი გემოებით ხასიათდება, რის გამოც ის კარგად ერწყმის სხვადასხვა ინგრედიენტს და თავისუფლად შეგიძლიათ გამოიყენოთ სხვადასხვა კერძში, მათ შორის, სალათებში, წვნიანებში, საუზმის ბოულებში.

როგორც ბლოგში განვიხილეთ, ყვითელი კინოა მართლაც სუპერ პროდუქტია, რომელიც ყველა ოჯახში გასინჯვისთანავე აუცილებლად დაიკავებს შეუცვლელ ადგილს. იმისთვის, რომ ეს პროდუქტი პირდაპირ სახლში, უფასოდ მიიღოთ, შეგიძლიათ შეიძინოთ ონლაინ მაღაზიაში „ჩემი მარაგი“.