ადამიანის ჯანმრთელობაზე მრავალი ფაქტორი ახდენს გავლენას, მათ შორის, უმნიშვნელოვანესია დაბალანსებული კვება და ნუტრიცია. სრულფასოვანი კვება გეხმარებათ ენერგიულად ყოფნაში, წონის რეგულირებასა და მენტალური ჯანმრთელობის გაუმჯობესებაში.
ჩვენი ორგანიზმის გამართულად ფუნქციონირებაში მრავალი ნუტრიენტი მონაწილეობს. თხილეული, მარცვლეული და ჩირეული ის გემრიელი ნუგბარია, რომელიც დამახასიათებელ არომატთან ერთად ნუტრიენტების სიმდიდრითაც გამოირჩევა. ამ ბლოგში გაგაცნობთ აღნიშნული საკვები პროდუქტების თითოეული ჯგუფის უნიკალურ თვისებებს, რაც დაგეხმარებათ თქვენი გემოვნების მიხედვით შეადგინოთ სწორი, დაბალანსებული კვების რაციონი.
თხილეული
ვიტამინებით, მინერალებით, ჯანსაღი ცხიმებითა და დიეტური ბოჭკოთი მდიდარი თხილეული თქვენი ჯანსაღი კვების რაციონში მოწინავე ადგილს იმსახურებს.
მაგალითად, ერთ-ერთი უგემრიელესი თხილეული, ნუში, შეიცავს ვიტამინ E-ს, მაგნიუმსა და ჯანსაღ ცხიმებს. ეს პროდუქტი აქტიურად გამოიყენება ჯანსაღი კვების რაციონში, რადგან გეხმარებათ წონის რეგულირებაში. გარდა ამისა, ნუში უზრუნველყოფს სისხლში შაქრის დონის კონტროლსა და აუმჯობესებს გულის ჯანმრთელობას.
თხილი ნუტრიენტების ნამდვილი საბადოა, რომელიც შეიცავს ომეგა 3-ის ცხიმოვან მჟავებს, ანტიოქსიდანტებსა და პროტეინებს, შესაბამისად, ეს პროდუქტი საჭიროა ტვინის ნორმალური ფუნქციონირებისთვის. ყოველდღიურად თხილის მიღება დაგეხმარებათ გულთან დაკავშირებული დაავადებების პრევენციაშიც.
კვების რაციონში ქეშიუს დამატებით თქვენ მიიღებთ ჯანსაღ ცხიმებს, ცილებსა და ბოჭკოს, რაც საერთო ჯამში გააუმჯობესებს ძვლების ჯანმრთელობას და იმუნურ სისტემას. ქეშიუ დიდი რაოდენობით შეიცავს თუთიას, რკინასა და სელენს, რის გამოც რეკომენდირებულია დაბალანსებული დიეტის დროს.
ანტიოქსიდანტებით, კალიუმითა და B6 ვიტამინებით გაჯერებული ფსტა კი აუმჯობესებს მხედველობას და დაგეხმარებათ გულის ჯანმრთელობასთან დაკავშირებული რისკების თავიდან ასარიდებლად.
მარცვლეული
ჯანსაღი კვების რაციონში მარცვლეული ფუნდამენტურ კომპონენტს წარმოადგენს, რომელიც გაძლევთ საშუალებას თქვენმა ორგანიზმმა დაბალანსებულად მიიღოს ნახშირწყლების, ვიტამინებისა და მინერალების სრული კომპლექტი.
კინოა, რომელიც შეიცავს 9 აუცილებელ ამინომჟავას, ბოჭკოს, მაგნიუმს, რკინასა და ანტიოქსიდანტებს, დაგეხმარებათ წონის კორექციაში. პროდუქტის აქტიურად მიღების შემდეგ საგრძნობლად გაგიუმჯობესდებათ საჭმლის მომნელებელი სისტემა. რაც ძალიან მნიშვნელოვანია, კინოა უგლუტენო მარცვლეულია, რომელიც თამამად შეგიძლიათ ჩართოთ ჯანსაღი კვების რაციონში.
ყავისფერი ბრინჯი არარაფინირებული მარცვლეულია, რომელიც თქვენს ორგანიზმს გაამდიდრებს B ჯგუფის ვიტამინით, მაგნიუმითა და ანტიოქსიდანტებით. ყავისფერი ბრინჯი არეგულირებს სისხლში შაქრის დონეს და აუმჯობესებს გულ-სისხლძარღვთა სისტემის ჯანმრთელობას.
შვრია ხსნადი ბოჭკოს შესანიშნავი წყაროა, რომელიც ამცირებს ქოლესტერინის დონეს სისხლში. პროდუქტი მდიდარია ანტიოქსიდანტებით, ვიტამინებითა და მინერალებით. შვრიის ფანტელი გეხმარებათ შეივსოთ ენერგიით და გაიუმჯობესოთ საჭმლის მომნელებელი სისტემა.
ჩირეული
ჩირეული ის ნუტრიციული ნუგბარია, რომელიც უამრავ სასარგებლო ნივთიერებას შეიცავს. შეიძლება ითქვას, რომ აღნიშნული პროდუქტების ჯგუფი დიეტური ბოჭკოს შესანიშნავი წყაროა, რომელიც ასევე მდიდარია ვიტამინებით, მინერალებით, ანტიოქსიდანტებითა და ბუნებრივი შაქრით.
ფინიკი დამახასიათებელი გემოთი და ტექსტურით გამორჩეული ჩირეულია, რომელიც ბუნებრივი ბოჭკოს, შაქრისა და მიკრონუტრიენტების საბადოა. ის შეიცავს მაგნიუმს, მაგნეზიუმს და B6 ვიტამინს. ფინიკი აწესრიგებს მეტაბოლიზმს და არეგულირებს სისხლში შაქრის დონეს. ამ პროდუქტს ხშირად შეხვდებით წონის საკორექციო დიეტებშიც, რადგან ფინიკი ბუნებრივად ტკბილი პროდუქტია და საუკეთესო ალტერნატივაა ტკბილეულის ჩასანაცვლებლად.
ქიშმიში ბუნებრივ შაქართან და მიკრონუტრიენტებთან ერთად ასევე შეიცავს ფიტონუტრიენტებს. ნუტრიენტების ეს ჯგუფი ანთების საწინააღმდეგო მოქმედებით გამოირჩევა.
იმისთვის, რომ თქვენი კვების რაციონი აღნიშნული ნუტრიციული ნუგბარით გაამდიდროთ, ონლაინ მაღაზია „ჩემი მარაგი“ გთავაზობთ ხელით ნარჩევ, საუკეთესო თხილეულს, მარცვლეულსა და ჩირეულს. თქვენს მიერ შერჩეულ მარაგს კი კურიერი პირდაპირ სახლის კართან, სრულიად უსასყიდლოდ მოგართმევთ.