წონის კლება ხშირად მოსაწყენ პროცესად აღიქმება, თუმცა ნუტრიენტებით მდიდარი პროდუქტების სწორი კომბინაციით, შეგიძლიათ სასიამოვნო თავგადასავლად გარდაქმნათ. დიეტაში ვიტამინებით და საჭირო მინერალებით მდიდარი საკვები პროდუქტების ჩართვა ხელს უწყობს არა მხოლოდ წონის კორექციას, არამედ ეხმარება თქვენს ორგანიზმს ზოგადი ჯანმრთელობის გაუმჯობესებაში. სწორედ ასეთი პროდუქტებია: თხილეული, ჩირეული და მარცვლეული. წარმოგიდგენთ 5 სუპერ პროდუქტს, რომლებიც თქვენს წონის კლების პროცესს გემრიელ და ჯანსაღ მოგზაურობად გარდაქმნის.
ნუში
ნუში ის პროდუქტია, რომელიც წონის კლებას მნიშვნელოვნად უწყობს ხელს. ამასთან ერთად, ის არის საკმაოდ ნოყიერი და დაბალნახშირწყლოვანი საკვები. ეს პატარა ზომის თხილეული სავსეა ვიტამინებით, მინერალებით, უჯრედისით, ჯანსაღი ცხიმებითა და ცილებით. გასაკვირი არაა, რომ მსგავსი შემადგენლობის გამო, ნუში გიქმნით დანაყრების შეგრძნებას, რაც, თავის მხრივ, გეხმარებათ წონის კლებაში. ვინაიდან ნუში ასევე შეიცავს მონოუჯერ ანუ ჯანსაღ ცხიმებს, იგი აუმჯობესებს მეტაბოლიზმს, შესაბამისად, კალორიებიც უფრო ეფექტურად იწვება. დღის განმავლობაში, სულ 30-40 გრამი ნუშია საჭირო იმისთვის, რომ დადებითი გავლენა მოახდინოთ არა მხოლოდ წონის კორექციაზე, არამედ ორგანიზმის ზოგად ჯანმრთელობაზე.
ნიგოზი
თუ წონის კლებასთან დაკავშირებულ დიეტას გადაწყვეტთ, ნიგოზი კვების კიდევ ერთი შესანიშნავი დანამატი გახლავთ. ომეგა-3-ის ცხიმოვანი მჟავებითა და პროტეინებით მდიდარი ნიგოზი ცნობილია კვებასა და ჯანმრთელობასთან დაკავშირებული სასარგებლო თვისებებით. მისი უნიკალური შემადგენლობა არეგულირებს მადას და აუმჯობესებს ორგანიზმის მიერ ცხიმების ათვისებას. წონის კლების მიზნით, ნიგოზი შეგიძლიათ მიირთვათ როგორც ცალკე, სნექის სახით, ასევე დაამატოთ სალათებსა ან დაბალკალორიულ იოგურტებში.
ლეღვის ჩირი
თუ დიეტის დროს ტკბილი მოგინდათ, ლეღვის ჩირი თქვენთვის იდეალური ვარიანტი იქნება. ლეღვის ჩირის ბუნებრივი სიტკბო შაქრიანი საკვების შესანიშნავ ალტერნატივას წარმოადგენს. ეს უგემრიელესი ჩირი მდიდარია დიეტური უჯრედისით, რაც ხელს უწყობს ჯანსაღი საჭმლის მომნელებელი სისტემის მუშაობას, მისი ჭამის შემდეგ კი დანაყრების შეგრძნება დიდხანს გაგყვებათ. უფრო მეტიც, შაქრისგან განსხვავებით, ლეღვის ჩირი უზრუნველყოფს ენერგიის სწრაფ მატებას, ამიტომ ის იდეალურია იმ შემთხვევაშიც, თუ ვარჯიშამდე სრულფასოვან კვებას ვერ ასწრებთ. ლეღვის ჩირი შეგიძლიათ დაუმატოთ შვრიის ფაფებს, იოგურტებს ან მიირთვათ როგორც სნექი.
შვრია
შვრიის ფაფა არის საუზმის კლასიკური ვარიანტი, რომელიც ეფექტურად დაგეხმარებათ წონის დაკლებაში. მისი მაღალბოჭკოვანი შემცველობა ხელს უწყობს სისხლში შაქრის დონის რეგულირებას და გინარჩუნებთ ნაყროვანების შეგრძნებას მთელი დილის განმავლობაში. გარდა ამისა, შვრიის ფაფა შეიცავს რთულ ნახშირწყლებს, რომლებიც ენერგიის ძირითად წყაროს წარმოადგენს. შვრიის ფაფაში შეგიძლიათ დაამატოთ ხილი, თხილი ან თაფლი. მიიღებთ უგემრიელეს და ჯანსაღ საუზმეს, რომელიც წონის კორექციაშიც დაგეხმარებათ.
კინოა
კინოა მაღალი კვებითი ღირებულების პროდუქტია, რომელიც მცენარეული ცილის მდიდარ წყაროს წარმოადგენს. ის ნებისმიერი დიეტისთვის იდეალური დანამატია. ცილებით, ბოჭკოთი და 9-ვე აუცილებელი ამინომჟავით სავსე ეს პატარა ზომის მარცვალი, უზრუნველყოფს სისხლში შაქრის დონის რეგულირებას. ხშირად გამოიყენებენ ბრინჯის იდეალურ ალტერნატივად და მისი დახმარებით ამზადებენ დიეტურ სალათებს, წვნიანებს და სმუზებსაც კი.
თუ წონის კლების მიზნით ჯანსაღი კვების რაციონის შედგენას გეგმავთ, ბლოგში განხილული 5 იდეალური პროდუქტი აუცილებლად უნდა მოიმარაგოთ. აღნიშნული პროდუქტების შეძენა ონლაინ მაღაზიაში „ჩემი მარაგი“ შეგიძლიათ, ჩვენი კურიერი კი ნებისმიერი მოცულობის შეკვეთას უფასოდ მოგართმევთ სახლის კართან.