ჯანსაღი საუზმის რეცეპტები

საუზმე დღის პირველი და ერთ-ერთი მნიშვნელოვანი კვებაა, რომელიც ორგანიზმს ენერგიით ავსებს და საკვები ნივთიერებებით ამარაგებს. მიუხედავად იმისა, რომ ადამიანებს განსხვავებული მეტაბოლიზმი, ჰორმონალური რეჟიმი და ცხოვრების სტილი აქვთ, ჯანსაღი საუზმე ხელს უწყობს სისხლში შაქრის დონის რეგულირებას, ტვინისთვის გლუკოზის ორგანიზებულად მიწოდებას და სტრესის ჰორმონების შემცირებას.

რა არის ჯანსაღი საუზმე? ის მხოლოდ ყავით ან ზედმეტად ცხიმიანი საკვებით არ შემოიფარგლება. რეალურად, სრულფასოვანი საუზმე შეიცავს პროტეინს, უჯრედისს და ჯანსაღ ცხიმებს, რაც ხელს უწყობს, მთელი დღის განმავლობაში, ენერგიის შენარჩუნებას.

გემრიელი და ჯანსაღი საუზმის მომზადებას ბევრი დრო და ენერგია არ სჭირდება. „ჩემი მარაგის“ პროდუქციის დახმარებით კი მარტივად შექმნით მრავალფეროვანი და სრულფასოვანი საუზმის ვარიანტებს.

საუზმე შვრიითა და მორინგას ფხვნილით

სუპერფუდი, მორინგას ფხვნილი, აუცილებელ 9 ამინომჟავას შეიცავს, მდიდარია ვიტამინებითა და მინერალებით.  შვრია მდიდარია ბოჭკოთი, ნუში და ფსტა კი ჯანსაღი ცხიმებითა და ცილებით.

ინგრედიენტები

• 1 ჭიქა შვრიის ფანტელი
• 1 ჭიქა ნუშის რძე
• 1 ს.კ. თაფლი
• 1 ჩ.კ. მორინგას ფხვნილი
• 1/4 ჭიქა დაჭრილი ფსტა
• ½ მწიფე დაჭრილი ბანანი
• 1 ს.კ. ჩია თესლი (სურვილისამებრ)

მომზადება:

1. საშუალო ზომის ქვაბში მოხარშეთ შვრია ნუშის რძეში,
2. 5-7 წუთის შემდეგ ცეცხლი გამორთეთ და დაუმატეთ მორინგას ფხვნილი და დანარჩენი ინგრედიენტები. კარგად აურიეთ. შეგიძლიათ მიირთვათ ცხელი.

ავოკადოსა და კვერცხის ტოსტი

მარტივი, გემრიელი და ნოყიერი საუზმე მდიდარი ჯანსაღი ცხიმებითა და უჯრედისით.

ინგრედიენტები:

• 2 ნაჭერი პური
• 1 მწიფე ავოკადო
• 2 ცალი კვერცხი
• 1 ჩ/კ სეზამის მარცვალი
• 1 ჩ/კ ლიმონის წვენი
• მარილი, შავი პილპილი გემოვნებით

მომზადება:

1. მსუბუქად დაატოსტერეთ პური.
2. ავოკადო კარგად დაჭყლიტეთ, გააზავეთ ლიმონის წვენში, დაამატეთ პილპილი და მარილი.
3. შეწვით კვერცხი
4. დატოსტილ პურს წაუსვით ავოკადოს სოუსი, დაადეთ შემწყვარი კვერცხი და ზემოდან მოაყარეთ სეზამის მარცვლები.

კინოას ფენქეიქები თხილეულით

კინოა შეიცავს ყველა აუცილებელ ამინომჟავას. კინოა ასევე გამოირჩევა B და E ვიტამინების, კალციუმისა და უჯრედისის მაღალი შემცველობით.

ამასთან ერთად, ის არ შეიცავს გლუტენს და იდეალურია გლუტენის აუტანლობის მქონე ადამიანებისთვის. კინოას აქვს მარცვლეულის მსგავსი ტექსტურა, რაც საშუალებას გაძლევთ მისგან მოამზადოთ განსაკუთრებით ფაფუკი და მსუბუქი ფენქეიქები.

ინგრედიენტები:

• 1 ჭიქა მოხარშული კინოა, გაციებული
• 1 ჭიქა ხორბლის ფქვილი
• 2 კვერცხი
• ½ ჭიქა რძე
• 3 ს.კ. თაფლი
• 1/3 ჭიქა ნედლი პეკანი, დაჭრილი
• 2 ჩ.კ. გამაფხვიერებელი
• 2 ჩ.კ. ვანილის ექსტრაქტი
• მწიკვი მარილი

მომზადება:

1. მიქსერში ჩაასხით რძე, კვერცხი და თაფლი. კარგად აურიეთ ერთგვაროვანი მასის მიღებამდე.
2. დაამატეთ ფქვილი, მოხარშული კინოა, გამაფხვიერებელი, პეკანი, ვანილის ექსტრაქტი და მარილი.
3. მასა ფრთხილად აურიეთ სპატულას დახმარებით.
4. გააცხელეთ ტაფა და საჭიროების შემთხვევაში მსუბუქად გადაუსვით ზეთი.
5. თითოეული ფენქეიქისთვის ტაფაზე დაასხით დაახლოებით ⅓ ჭიქა მასა და შეწვით საშუალო ცეცხლზე, სანამ ზედაპირზე ბუშტები გაჩნდება და ფაფუკი გახდება.
6. გადმოაბრუნეთ და მეორე მხრიდანაც 1-2 წუთის განმავლობაში შეწვით.

სურვილისამებრ, დაუმატეთ იოგურტი, თაფლი ან კენკრა.  საუზმე გამოდის ნოყიერი და ცილოვანი, რომელიც აგავსებთ ენერგიით.

ჩიას პუდინგი ჩირეულით

ჩიას თესლი ხელს უწყობს სრულყოფილ დანაყრებას.  ჩია შეიცავს უჯრედისს, პროტეინს, ანტიოქსიდანტებსა და ვიტამინებს, რაც მას საუზმისთვის იდეალურ საკვებად აქცევს.

ინგრედიენტები:

• 1/2 ჭიქა რძე
• 2 ს.კ ჩიას თესლი
• 5 ჩ.კ თაფლი
• 1/2 ჭიქა ჩირეულის მიქსი (სურვილისამებრ გარგრის ჩირი, ქლიავის ჩირი, ქიშმიში).

მომზადების წესი:

1. ჩიას თესლი თესლს დაამატეთ რძე და თაფლი. კარგად აურიეთ და დააცადეთ 5 წუთი.
2. დააფარეთ თავსახური და შედგით მაცივარში.
3. როგორც კი პუდინგი გასქელდება, მოაყარეთ დაჭრილი ჩირეული.

შვრია ნუშის კარაქითა და კენკრით

შვრია, ჩიას თესლი და ნუშის კარაქი კომბინაციაში ჯანსაღ და გემრიელ საუზმეს ქმნის. გაითვალისწინეთ, რომ ეს საუზმე საღამოთი უნდა მოამზადოთ და დილით მიირთვათ.

ინგრედიენტები:

• 1 ჭიქა შვრიის ფანტელი
• 1/4 ჭიქა ჩია თესლი
• 1/4 ჭიქა დაჭრილი ნიგოზი
• 1/2 ჭიქა ქოქოსის ფანტელი
• 100 გრ მარწყვი
• 1 მწიფე ბანანი
• 2 ს.კ. ნუშის კარაქი
• 5 ჭიქა ნუშის რძე

მომზადება:

1. დიდ ჯამში აურიეთ ყველა მშრალი ინგრედიენტი: შვრია, ჩია თესლი, ნიგოზი და ქოქოსის ფანტელი. გადადეთ გვერდზე.
2. ბლენდერში მოათავსეთ მარწყვი, ბანანი და ნუშის კარაქი. დააბლენდერეთ ერთგვაროვანი, კრემოვანი მასის მიღებამდე.
3. ხილის მასას დაუმატეთ ნუშის რძე და სიროფი, მსუბუქად აურიეთ.
4. მიღებული სითხე დაასხით მშრალ ინგრედიენტებს და კარგად აურიეთ.
5. დააფარეთ და შედგით მაცივარში მინიმუმ 6 საათით ან მთელი ღამით.
6. მიირთვით დილით. შეგიძლიათ დაამატოთ დაჭრილი თხილეული ან ხილი.

ჯანსაღი საუზმის მოსამზადებლად საჭირო ინგრედიენტებს ონლაინ მაღაზიაში „ჩემი მარაგი“  მარტივად იპოვით. ასევე, აღმოაჩენთ 500-ზე მეტი დასახელების სხვადასხვა პროდუქტს, მათ შორის, თხილეული, ჩირეული, მარცვლეული, ბურღულეული, ბაკალეა, ხილ-ბოსტნეული, საკონდიტრო, მიქსები და სუნელები.

რაც ყველაზე მთავარია, იმისთვის, რომ ჯანსაღი და გემრიელი საჭმლის მზადების პროცესი უფრო კომფორტული და სასიამოვნო გახდეს, ,,ჩემი მარაგის“ კურიერი ნებისმიერი მოცულობის შეკვეთას, საქართველოს მასშტაბით ნებისმიერ ადგილას, უფასოდ მოგაწვდით.